Ευχή εις κατάπαυσιν της λοιμικής νόσου του κορωνοϊού - Αρχιεπισκόπου Σινά Δαμιανού

Του Κυρίου δεηθώμεν

Κύριε Ιησού Χριστέ Υιέ και Λόγε του Θεού Πατρός, ο θέσας και γινώσκων τους λόγους των όντων, ο κτίσας τον άνθρωπον και ιασάμενος την εκ της αμαρτίας ασθένειαν της φύσεως ημών, ο δι’ ανείκαστον φιλανθρωπίαν, δι’ ημάς τους ανθρώπους σαρκωθείς εκ της Υπεραγίας Θεοτόκου και αειπαρθένου Μαρίας, προσλαβόμενος όλον το ημέτερον φύραμα, ιατρέ των ψυχών και των σωμάτων ημών, αυτοζωία και χορηγέ της ζωής, έπιδε επί την δέησιν ημών, των αμαρτωλών και αναξίων δούλων Σου, των μοναζόντων και των εν τω Όρει Σινά απ’ αιώνός Σοι ευαρεστησάντων και ελέησον ημάς τους όλη καρδία υψούντας ικετευτικώς χείρας παρειμένας και αναξίας, ως πάλαι ποτέ ο θεράπων Σου Μωσής, ο γενάρχης ημών, ο παρά τας πολλάς αμαρτίας του λαού, εν μετανοία, νηστεία και θερμουργώ προσευχή θεώπτευσέν Σε εν νεφέλαις τον απρόσιτον και απερίγραπτον Θεόν, τον βαδίσαντα και καθαγιάσαντα το Σίναιον Όρος και παραδόντα τον θεόγραφον νόμον ενθάδε, εν τη κορυφή της νομοδοσίας, ένθα το πάλαι αι εξ ανομβρίας διψώσαι αίγες εκέκραξαν σοι, τω Κτίστη αυτών και της φωνής αυτών ακούσας έλυσας την ανομβρίαν καταπέμπων όμβρους ειρηνικούς. Συ, Κύριε, εν Αιγύπτω του δούλου λαού σου συγχωρών τας αμαρτίας και απιστίας, ως νεφέλη και στύλος πυρός εις την σωτηρίαν ωδήγησας και διέσωσας και τοις μετανοήσασι υπέρ δώδεκα μυριάδαις Νινευίτών άφεσιν δωρησάμενος. Κατενώπιόν Σου, Κύριε Παντοκράτορ, ημάρτομεν, ηνομήσαμεν, ηδικήσαμεν, ουδέν συνετηρήσαμεν, αλλά Σε μόνον λατρεύομεν και προσκυνούμεν, κλίνοντες γόνυ καρδίας και σώματος και παρακαλούμεν, πολυεύσπλαχνε και πανοικτίρμον Κύριε, λύτρωσον τη κραταιά δυνάμει Σου το Γένος ημών και τον κόσμον Σου από της ενσκηψάσης ολεθρίας νόσου του κορωνοιού. Τοις ασθενούσιν εξ αυτού καρτερίαν και άνεσιν δώρησαι ταχέως απαλλάσων και ολοτελώς ιώμενος αυτούς, ίνα εν χρηστότητι πορεύωνται το λοιπόν της ζωής αυτών. Τους εκ της νόσου προαπελθόντας αδελφούς ημών εν μετανοία παράλαβε και ανάπαυσιν αυτούς, όπου επισκοπεί το ζείδωρον φως του προσώπου Σου, εκχέων την άνωθεν παραμυθίαν τοις οικογενέσι αυτών. Τοις διακονούσι την υγείαν, την υπομονήν του δικαίου Ιώβ δώρησαι. Δέχου, Κύριε Ιησού, τήνμετάνοιαν ημών και ίασαι την δεινήν λοιμικήν νόσον, παντελώς αφανίζων αυτήν, πρεσβείαις της Παναγίας Μητρός Σου, της ακαταφλέκτου Βάτου, της αγίας Μεγαλομάρτυρος νύμφης Σου Αικατερίνης της πανσόφου και πολιούχου ημών, πάντων των εν Σινά και Ραιθώ ασκήσει και αθλήσει διαλαμψάντων και πάντων Σου των Αγίων.

Χάριτι και οικτιρμοίς και φιλανθρωπία Σου του πολυευσπλάγχνου Θεού, του Πατρός, του Υιού και του Παναγίου Πνεύματος, του προσκυνουμένου και δοξαζομένου, νυν και αεί και εις τους αιώνας των αιώνων. Αμήν.